Ранічка

П’ю за тваё нараджэнне, новы дзень!
Узнімаю кубак празрыстага жыцця і ўсміхаюся табе.
Ды што там, я зазіраю табе ў вочы, як цікаваму незнаёмцу.
Вітаю цябе гэтым кубкам вады на парозе светлага неба.
Ты – мой дзень, але цябе не будзе без дзён усіх іншых людзей, істот і стварэнняў.
Цябе афарбуюць у свае колеры мае блізкія і далёкія.
То будзь для іх добрым, удалым, сапраўдным.
“Добры дзень!” – вітаюцца людзі.
Мой “Добры дзень!” – усяму свету.